i Love Myanmar President Levi Sap Nei Thang te nupa le a hnatuanpipawl, Kyianh-Khaing-Yi lam in Chin Ramkulh tuanvo latu Thura Aung Ko le a thluntupawl cu December 11, 2008 ni (Tlawngkai nili), Yangon ihsin Kalay ah vanzam in a zuang ih Kalay ah zaan khat an caam.
FALAM AH
Kalay in Falam ah:
December 12, 2008 ni zing, thawhhlam an ei theh hnu ah Kalay in Falam ah an so. Sun hnu nazi 1:30, Falam khua-luh, Salai Sun Ceu khan, cawlhbuuk in Falam mino 40 lenglo in laamnak thawn an hmuak. Cuti cun an riahnak ding hmun Taungzalatt Khualbuuk ah an feh. Cunah ah tuanvo nei upa pawl le Falam Khuanu-khuapa pawl in an hmuak. Malte an cawl ih an cawlh hahdam hnu ah Falam siizung hrang thilri hlu dingin NTS tlawng, Thazin Hall ah an feh.
 |
Falam siizung ah i Love Myanmar
December 12, 2008 ni(Tlawngkai ninga) sun hnu nazi 2:00, NTS Thazin Hall ah i Love Myanmar President Levi Sap Nei Thang in Falam Siizung hrangah thilri hlutnak a nei ih Falam Siizung Camkhat Uktu, Dr Htwe Htwe (OG) in cosaannak a nei. Falam Khuanu-khuapa hotu Pu Kap Tial le Dr Htwe Htwe (OG) in lungawi thusimnak an nei.
